چئویرن: علی تقی‌زاده لاریجان
ترجمه: علی تقی‌زاده لاریجان
علی تقی‌زاده لاریجان

گؤزلریم یولدادی یاریم گله ائی یاز یاغیشی

وار اومیدیم بو ویصاله هله ائی یاز یاغیشی

او منیم کؤنلومه بیر یاز یاغیشینان گلدی

سن‌له سالدی جانیما ولوله ائی یاز یاغیشی

نه زامان‌دیر کی سنین ده کسیلیب مرحمتین

سببین سؤیله بیلک گل دیله ائی یاز یاغیشی

داشیییرسان گؤرورم دای بو دییارین پایینی

باشقا یئرلرده بوکورسن سئله ائی یاز یاغیشی

بو جوجرمیش هاچالانمیش زمیلر مونتظرین

بیر آیاق ساخلا تلسمه بئله ائی یاز یاغیشی

یئرله یکسان اولاجاق یوخسا بیتن بیتگی بوتون

دؤزمگ اولماز بئله بیر نیسگیله ائی یاز یاغیشی

یاغ، یتیم سئوگیلرین سونبولو بلکه دن آلا

بویلانیب عشق آدینا یوکسله ائی یاز یاغیشی

قویما هیجران توزونون قالماغا اوستومده ایزی

ترسه یئلدن کؤمگ آل سیلکله ائی یاز یاغیشی

ائله یاغ کینلی اورکلرده‌کی نیفرت ده گئده

پاکلانیب بنزه‌یه بیر تر گوله ائی یاز یاغیشی

سن یاغاندان سورا الحق کی تجلی تاپیر عشق

نازلانیر شئهلی چیچک بولبوله ائی یاز یاغیشی

اوزادیر فاطما آنا قووس-و قزح‌دن هاناسین

بویالاردان توخونور سلسله ائی یاز یاغیشی

گؤز یاشیندان دورو گؤردوکده یاشیل باش سونالار

قاییدیرلار اونودولموش گؤله ائی یاز یاغیشی

سن یاغیش، من‌سه یاغیشلیق گونه حسرت ملگیم

قییما سنسیز گئده عؤمروم یئله ائی یاز یاغیشی

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یاز یاغیشی

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی

یاز یاغیشی

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی

یاز یاغیشی

علی تقی‌زاده لاریجان
www.ishiq.net

آذربایجان ادبیات و اینجه‌صنعت سایتی