هایکوسایاق شعرجیکلریم
جعفر بزرگ امین
گوموشو اوراق،
اولدوزلار پیچیلتیسی،
بیچین وار.
۱
داخما اوچوغو،
قیشقیریق بایقوشو،
ها… داها …..!!
۲
قویونون دیبیندن،
یارینلاردان گلن ،
بیر سس.
بیر داخما،
کؤرپه جیک قان قوسور.
بیر سارای،
پیشیک بالیق قوسور.
۳
یاز سورگونو،
بولود قیسری ،
جیریغی دوداق توپراق.
۴
قلم سینیغی
یولو گؤزله شن
آغارمیش کاغاذ.
۵
زامان چرخی،
آسفالتی یاپیلمیش
بیر کیشی
۶
یاز،
یاغمور گورشادی
داخما اوچوغو
بیر داملاَ دیرگین
کیپریگی آسیلی،
یاناغی یاخیلی.
۷
سینیق کؤرپو،
بیر ایسلاق نوت بو قییسی،
بیریسی او …..
۸
گؤل،
سونا،
قامیشلارآسیلی سی،
ایکی گؤز بره لمیشی.
۹
اوره ییمه هوپان سنی،
دامارلاریمین شعرینه ،
ماهنیلاییرام.
۱۰
ماوی باجا الجه سی،
بارماقلیق آسیلی سی،
ایکی گؤز یورغونو.
۱۱
اپریک گئجه،
تیتره ک،
قارانلیق چلییی.
۱۲
قیریق- گوزگو قیریغی
آرخانی قونوشان،
بیچاقلار.
۱۳
شاختا،
چالیشما یاشامی،
قار چیچه یی.
سئویرم یاشام منی سئودیینی ،
اوندان اؤلوم منی
سئودیینی، آرتیق،
کؤنوللره دؤنوشورسه،
منی.
۱۴
آسفالت
آرابامین پنجره سیندن
بویلانیب :
-” تکرلر آلتی ازیلدییم
شعره دؤنمزمی!
شاعیر؟
