چئویرن: حسن ریاضی (ایلدیریم)
ترجمه: حسن ریاضی (ایلدیریم)
حسن ریاضی (ایلدیریم)

بیر گون شئر، قورد و تولکو اووا چیخیرلار. شئر بیر چول ائششه‌یی، قورد بیر مارال، تولکو ایسه بیر دووشان اوولایـیب، قایـیدیرلار.

اوولاری قویورلار بیر- بیری‌نین یانینا، شئر اوزونو قوردا توتوب دئییر کی، باشلا بونلاری بؤل!

قورد دئییر:

– باش اوسته، آغا شئر! من دئییرم کی، هر کیم نه اوولایـیب اؤزونون اولسون، بؤلمک- مؤلمک لازیم دئییل.

شئرین بو بؤلمه‎دن ائله آجیغی گلیر کی، قوردون تپه‌سینه بیر قاپاز ووروب، بئینی‎نی چیخاردیر، آتـیر آغزینا. تولکو گؤر‌ر کی، توستو چوخ برک‌دی. شئر بو دفه اوزونو تولکویه توتور:

– تولکو بی بونلاری باشلا بؤل گؤروم.

تولکو دئییر کی، «شئرین باشی ساغ اولسون، بونلار کی، ایلاهی‎دن بؤلونوب. باخ، بو دووشان سنین قلیان آلتین اولسون. یاخشی، قالدی مارالینان چول ائششه‌یی؛ مارالی دا ناهارا مئیل بویورسان، قالدی کی، چؤل ائششه‌یی. اونو دا شامدا یئیه‌رسن».

شئر گولور، دئییر:

– آی تولکو بی! سن نه هوشلو حیوانسان. بیر بئله آغیلی هارادان اویره‌نیب‌سن کی، بونلاری بئله یئرلی یئرینده بؤله بیلدین.

تولکو دئییر:

–                   شئرین باشی ساغ اولسون! قوردون باشینا گلن بلادان اؤیرندیم بونلاری!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

شئر، قورد و تولکونون اووا چیخماسی/ رضا نوه‌سی

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی

شئر، قورد و تولکونون اووا چیخماسی/ رضا نوه‌سی

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی

شئر، قورد و تولکونون اووا چیخماسی/ رضا نوه‌سی

حسن ریاضی (ایلدیریم)
www.ishiq.net

آذربایجان ادبیات و اینجه‌صنعت سایتی