اؤلوم سونرام/ جعفر یزرگ امین

bozorg amin
اؤلوم سونرام
جعفر یزرگ امین

قان ترلی روحومو سوزه‌ن،

 ياخيلان اوره‌یيمی قوپان،

دیزه‌لریمین قاباریندا

قويلايين مني،

“گه‌لر اوخونار بیر گون من”.

“اؤلوم سونرام”

 چالقیج یوخوسونو اویانان

                                پاسلی سازیمی قوچاقلاندیرین

يانيق كرمي، قره باغ شكسته‌سي، ديلقم،  جنگی كوراوغلودا

كفن‌له‌ييب

 سیم یوللار آراسينی، قويلايين مني،

                             “گه‌لر چالینار بیر گون من!” .

“اؤلوم سونرام “

يئني- يئتمه چاغلاريمی

سئرچه‌لر، سیغیرچینلار

شیرینلیک  توتلاریندا

قويلايين مني،

“گه‌لر دادیلار بیر گون من!”.

“اؤلوم سونرام”

 منی دوغان اورمو گؤل شورونون،

 بئشيک لپه‌لر قوينو :

          (دريادا درياليقلار

                       سودا اوينار باليقلار)

 لايلاسينا قويلايين مني،

                     “گلر ماهنیلانار بیر گون من!”

Check Also

herizli

آغلاییر / ح. هریزلی

آغلاییر ح. هریزلی ایچیمده بیر یئتیم اوشاق ایچین-ایچین قان آغلاییر. سوراقلاشیر شیلتاق-شیلتاق آتادان نشان آغلاییر. ...

۲ comments

  1. حشمتي افشار

    دوغرودور شعرين ده اوزين كيمي بؤيوگ دير و امين…

    Like or Dislike: Thumb up 0 Thumb down 0

  2. کامیل قهرمان اوغلو

    بئی اسالاملار و اوغورلار …
    اوخودوم داد آلددیم اوره ک یاغینتیندان . یاشامالیسان بیزیم چاغداش شئعیریمیزده و …

    دؤشه یین یارپاغی اولدوز یاراما
    قاراقانچیل گئجه نی کؤز یاراما
    یبر ایچیم قوش یوخوسوندان گؤتورون
    قویلایین کؤلگه لی گوندوز یاراما …

    Like or Dislike: Thumb up 0 Thumb down 0

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *