يالين مئشه لر / مسعود آذر

يالين مئشه لر
مسعود آذر

مئشه لر ـ مئشه لر
قالين مئشه لر؛
شاختالي ـ قارلي
يالين مئشه لر.
قيروولو اللريمدن قوور آتير،
دون وورموش اوره ييم
شعله چكير،
آلوو تپير.
ديزه چؤكورم
قارشيسيندا تورپاغين؛
كيريميش اللريم له
ائشيرم قاري ،
دئشيرم تورپاعي.
دوداق قويوب
دون وورموش قارا،
تورپاغين اوزوندن اؤپورم.
چاتلي دوداقلاريمين حرارتي ايله
جانلانير حيات ،
جانلانير كائينات.
قارا تورپاغين چاتلاريندان
باهار قوخوسو گلیر.
نارين ـ نارين ياشيل يارپاقلي ،
ساري خاللي ،
قيزيل چيچكلر ديرچه لير،
باهار قوخوسو گلیر.

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

One comment

  1. سلاملار و سایقیلار مسعود بئی ندن غزل یادا منظم شعر یازماقی دوشونمورسونوز ؟منجه ده نه مه لیسینیز چونکو او ایکی بیتی کی رحمتلی سعیده خانیمین اؤلومو حاقیندا یازمیشسینیز چوخ گؤزل دیر.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *