خاطره
ممد قاضی(م.سمندر)
بیلمیرم هئچ یادیندامی
یایین ایستی بیر گونونده
بیز گؤروشدوک او کؤهنه اوزوم باغیندا ؟!
همان گون‌ده بیز آیریلدیق
همان باغدا……
آی‌لار اؤتدو، ایل‌لر کئچدی
هر باهاردا، هر پاییزدا
باشیم اوستدن
قاتار- قاتار دورنا کئچدی؛
من گؤزله‌دیم،
آمما حاییف
سن گلمه‌دین…
همان باغدا،
گوی قورالار اوزوم اولدو
سونرا اوزوم شراب اولدو
{یئددی ایل‌لیک کؤهنه شراب}
چاخیر چکن او جوانین
قارا ساچی بیاض اولدو.
سن گلمه‌دین ؛
من تک قالدیم؛
بیر بالاجا لامپا کیمی
او قارانلیق گئجه‌لرده
من تک قالدیم
من تک یاندیم….
2 پاسخ
یاشاسین بو سایتی خلق الیین. یاشاسین او کسلری کی محمدی یاددان چیخاتمیبدیلار. محمد اؤزوده بیزیم یانمیزدا اولماسا، اونون خیالینی بیز یاددان چیخاتماریخ. یاشاسین بیزیم تورک شاعرلریمیز
ساغ اولون و مین یاشایایین