چئویرن: ابوالفضل جمالی
ترجمه: ابوالفضل جمالی
ابوالفضل جمالی


زنگاوا
ابولفضل جمالی

دوغما کندیم او گول رنگین قاچیبدبر

پاییزا دؤنوبدور یازین زنگاوا !

اؤردک‌لرین چایلاقلاردان اوچوبدور

آوارا قالیبدیر  قازین  زنگاوا !

×××

اوچدو دام-دووارلار قاریشدی وضعین

اوچقون آلتدا قالدی آداخلی قیزین

اوخشادی، آغلادی ائل حزین-حزین

غم اوسته کؤکلندی سازین زنگاوا !

×××

یاش دایاندی “گؤزه‌لرین”گؤزونده

آغ چادیر قوردولار کندین دوزونده

سن یاسا باتیبسان اؤزون اؤزونده

پوزولوب یایلیغین، نازین زنگاوا !

×××

الیندن گئتسه‌ده تاخیلین، یئمه‌یین

لای با لای اولاجاق اکینین، زمین

دئدیگیم سؤزلره امینم، امین

شال کیمین اولاجاق  یازین زنگاوا !

×××

گونئی‌یین، قوزئی‌یین، آیلاقلی داغین

اؤلوب، ایتن‌لرین توتور سوراغین

قاریشیب تورپاغا قاتیغین، یاغین

تندیرده کؤزه‌ریر  کؤزون زنگاوا !

×××

زلزله‌ده باتدی دولتین، مالین

قالاندی سینه‌مه دردین، ملالین

سوزالیب، سارالیب سنین جامالین

نیگران قالیبدی گؤزون  زنگاوا !

×××

یئنه‌ده آچاجاق گولون چیچه‌یین

نغمه‌لر دئیه‌جک ساری کؤینه‌یین

گوله‌جک چؤللرده آرزو، دیله‌یین

دوشه‌جک دیللره  سؤزون زنگاوا !

×××

گئده‌جک پاییزین، گله‌جک یازین

“هر کولون باشیندا بیر قوش آوازین

“ایروانچوخوری”چالاجاق سازین

وسمه‌لی  اولاجاق گؤزون زنگاوا !

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

زنگاوا/ ابولفضل جمالی

ابوالفضل جمالی
www.ishiq.net

آذربایجان ادبیات و اینجه‌صنعت سایتی

زنگاوا/ ابولفضل جمالی

ابوالفضل جمالی
www.ishiq.net

آذربایجان ادبیات و اینجه‌صنعت سایتی

زنگاوا/ ابولفضل جمالی

ابوالفضل جمالی
www.ishiq.net

آذربایجان ادبیات و اینجه‌صنعت سایتی