چئویرن: ایشیق
ترجمه: ایشیق
ایشیق

«اوره‌یینه دؤنوشسوز بیلیط» کیتابینین آچیلیش تؤره‌نی

تانینمیش شاعر ایلقار مؤذن‌زاده‌نین «اوره‌یینه دؤنوشسوز بیلیط» کیتابینین آچیلیش تؤره‌نی نیر شهرینده کئچیریلدی.
اردبیل شهرینین ادواری انجمن‌لرینین اداره هئیتی‌نین امکداشلیغیلا ایسفندین آیی‌نین بیرینده نیر شهرداریسینین سالونوندا قورولان بو تدبیرده اردبیل، نیر و نمین شاعرلری اؤز اثرلریندن اوخویوب و شاعر ایلقار مؤذن‌زاده‌نین بیرینجی اثری حاقیندا فیکیر سؤیله‌دیلر.
ایلقار موذن‌زاده ۱۳۶۳-جو ایل مهر آیی‌نین ییرمی آلتیسیندا خییوو شهرینده دونیایا گؤز آچمیش. دیپلم تحصیلاتینی بو شه‌هرده بیتیریب، پیسخولوژی ساحه‌سینده یوکسک لیسانس آلیب و ایندیسه همن ساحه‌ده فعالیت گؤستریر. آذربایجان ادبیاتینا گلدیکده ۱۵ ایلدن آرتیقدیر کی یازیر. یارادیجیلیغی‌نین ایلک ژانری داها آرتیق قیسا حئکایه‌لر یازماق اولوب؛ عینی حالدا شاعر کیمی‌ده ادبی جمعیتیمیزده چیخیش ائتمیشدیر. یارادیجیلیق ایللرینده بیر نئچه ادبی یاریشلارین غالبی اولوبدور. او جومله‌دن ۲۰۰۹ینجی ایل «ماراغا آلما فئستیوالی» نین سربست شعر بؤلومونون بیرینجیلیگی، ۲۰۱۰ – «آنامین یایلیغی شعر فئستیوالی»نین کلاسیک شعر بؤلومونون بیرینجیلیگی، ‌۲۰۱۳ – اردبیلین «حدیث عشق» آدلی اؤیکو یاریشماسینین بیرینجیلیگی و ۲۰۱۴- «تبریز ادبی اؤدولو»نون حئکایه بؤلومونون بیرینجیلیگی اونون یارادیجیلیق اوغورلاریندان ساییلیر. بو ایللرده ایلقارین بیر چوخ شعر، حئکایه و ادبی تنقیدی مقاله‌لری «آفتاب آذربایجان»، «هفته نامه خیاو»، «هفته نامه موج بیداری»، «هفته نامه سهیل»، «چیراق» درگیسی، «هفته نامه بانگ ساوالان»، «کولتور گئجه‌سی»، «آذری»، «دیلمانج» و ائله‌جه‌ده آذربایجان جومهوریسی و تورکیه‌نین قزئت و ژورنال‌لاریندا یاییلمیشدیر. «اوره‌یینه دؤنوشسوز بیلیط» کیتابی شاعر ایلقار مؤذن‌زاده‌نین چاپ اولموش ایلک اثری‌دیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«اوره‌یینه دؤنوشسوز بیلیط» کیتابینین آچیلیش تؤره‌نی

ایشیق
www.ishiq.net

آذربایجان ادبیات و اینجه‌صنعت سایتی

«اوره‌یینه دؤنوشسوز بیلیط» کیتابینین آچیلیش تؤره‌نی

ایشیق
www.ishiq.net

آذربایجان ادبیات و اینجه‌صنعت سایتی

«اوره‌یینه دؤنوشسوز بیلیط» کیتابینین آچیلیش تؤره‌نی

ایشیق
www.ishiq.net

آذربایجان ادبیات و اینجه‌صنعت سایتی