چئویرن: ایشیق
ترجمه: ایشیق
ایشیق

تبریک ائدیریک… «ناصر داوران»، ۶۰ یاشیندا

ائلیمیزه و ادبی جمعیتیمیزه چوخ یاخشی تانیش اولان آذربایجان شاعری، تدقیقاتچیسی و ادبیات‌شناسی ناصر داوران‌ین ۶۰ یاشی تمام اولدو. بو مناسبتله شاعر دوستوموزو، آنادان اولماسی‌نین ۶۰-نجی ایل دؤنومو مناسبتیله اوره‌کدن تبریک ائدیر، گله‌جک ایشلرینده اوغورلار، اوزون عؤمور، جان ساغلیغی آرزولاییریق.

ناصر داوران ۱۳۳۶نجی گونش ایلی اهرین شئیور داغلاری اته‌یینده یئرلشن “جوبند” کندیده آنادان اولموش، اوشاقلیق ایللرینی همن کنده کئچیریب، سونرالار آتاسینین ایشی‌له علاقه‌دار مختلف شهرلرده یاشاییب و نهایت قهرمان تبریز شهرینده مسکونلاشمیشدیر.

ناصر داوران بیر عالی تحصیللی صنعتکار کیمی همیشه ائلینه، یوردونا و زحمتکش خالقینا وفالی بیر شاعر اولوبدور. اونون شعرلرینین آنا خطینی وطن، خلق، آزادلیق، و بوتون خلق‌لره عدالت و اؤزگورلوک تشکیل ائدیر. سئویملی شاعریمیز ناصر داوران بیر چوخ تدقیق و ادبیات‌شناسلیق اثرلری‌له برابر، گؤزه‌ل سربست شعرلر مولیفی کیمی تانینمیشدیر.

یاییلان اثرلری:

  • «گفتگو» (شعر)- فارس دیلینده شعرلر مجموعه‌سی، ۱۳۵۷ ، نشر تلاش
  • «ماوی دویغو»(شعر) – آذربایجانجا شعرلر مجموعه‌سی، ۱۳۷۳، انتشارات دنیا
  • «آلاله‌های پامیر»(نثر) – آذربایجانلی داغچی‌لارینین پامیر داغیندا جانلارینی الدن وئرمه‌لرینین روایتی، ۱۳۷۷، ناشر مؤلف
  • «نیمای نطریه‌پرداز و نیمای شاعر»(ادبی تنقید)- فارس سربست شعرینین بانیسی نیما یوشیج‌ین اثرلرینین نظری تحلیلی، ۱۳۸۳، انتشارات شایسته
  • «سورگون اللریم»(شعر)- آذربایجانجا شعرلر مجموعه‌سی، ۱۳۸۴، ناشر مؤلف
  • «روزی از روزها»(ترجمه)- تورک شاعری فاضل‌حسنی داغلارجانین شعرلرینین فارس دیلینده ترجمه‌سی، ۱۳۸۵، ناشر مؤلف
  • «نظریه‌های ادبی و نقد»(ترجمه)- تورک ادبیات‌شناسی برناموران‌ین اثرینین ترجمه‌سی، ۱۳۸۹، انتشارات نگاه نو
  • «آب و آینه»(شعر)- فارس دیلینده یازدیغی شعرلر مجموعه‌سی، ۱۳۸۹،
  • «یاغیشدا چتیرسیز گئده‌ن کیشى»(شعر)- آذربایجانجا شعرلر مجموعه‌سی، ۱۳۹۰، ناشر هاشمی-اختر
  • «توستولو دمیرلرین آنقیرتیسى»(شعر)- آذربایجانجا شعرلر مجموعه‌سی، ۱۳۹۳، ناشر پیشگامان پژوهش مدار
  • «مدرنیسم در شعر ترک»(ترجمه)- تورک ادبیات‌شناسی یالچین ارمغان‌ین اثرینین ترجمه‌سی، ۱۳۹۶، انتشارات روزآمد
  • چاپ آلتیندا:
    «اؤز باشینا دونیا»(سئچیلمیش شعرلر مجموعه‌سی)، لاتین الفباسیله، باکی، ۲۰۱۸
  • چاپ حاضیرلانان‌لار:
    «بایاتیمیش گؤزلوک»( آذربایجانجا شعرلر مجموعه‌سی)

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

تبریک ائدیریک… «ناصر داوران»، ۶۰ یاشیندا

ایشیق
www.ishiq.net

آذربایجان ادبیات و اینجه‌صنعت سایتی

تبریک ائدیریک… «ناصر داوران»، ۶۰ یاشیندا

ایشیق
www.ishiq.net

آذربایجان ادبیات و اینجه‌صنعت سایتی

تبریک ائدیریک… «ناصر داوران»، ۶۰ یاشیندا

ایشیق
www.ishiq.net

آذربایجان ادبیات و اینجه‌صنعت سایتی