چئویرن: ایشیق
ترجمه: ایشیق
ایشیق

بیر اوووج شیفره‌دن عیبارتم
افراسیاب نورالهی

بو منیم بانکا کارتیمین شیفره‌سی……
بو یاناجاق کارتیمین ……
مئیل شیفره‌مده بو…..
فئیس صایفامدا وار،
او دا بو …..
بودا جیب تلفونومون شیفره‌سی…..
بودا سسی جیب تلفونومون حله؛
اوزه‌ل بیر موسیقی تیکه‌سی.
بودا باغلاماسی،
اورتمه‌سی …..
بیردن،
اله دوشر،
چوزولر -دئیه،
حتی آدینیندا اوللینی داشیمیر بئله!
هامیسی شیفره‌لی
هامیسی شیفره
باخسانا سئوگیلیم،
بیر اوووج شیفره‌دن عیبارت اولموشام!
حله هاراسیدیر،
تانگویا،
وایبئره ده قوشولاجام!
حله شیفره ندیر کی،
قوش اولاجام!
باخسانا سئوگیلیم
بیرینی اونودارسام،
رسما قالار حیاتیم.
اجل دئییر؛
هردن،
کئچیم هر نه‌یین قئیدیندن،
اونودوم بوتون شیفره‌لیییمی،
و باشیمی گوتوروب گئدیم بورالاردان…
یادا باشیمی آتیب یاتیم …
بعضا دوستلار گورورم،
فئیس صایفالاریندا،
“آ. دوستلار،
بیر مددت یوخام” –یازمیشلار!
یعنی،
بیلیب ده،
اندیشه‌لنمه‌سینلر دوستلاری اولمادیقلاریندا.
بیر گون منده یازماق ایسته‌دیم،
آغلیما بیر شئی گلدی،
قولاغیما بیر “هئی……..” گلدی،
هئی…
افراسیاب –دئدی:
گرچکدن،
ائله اولمایاجاقسان بیر گون، بیلمیرمیسن؟!
اوندا نئجه،
اوندادا یازا بیله جکمیسن؟!
یازا بیله جکمیسن؛
“آ. دوستلار،
بیر مددت یوخام”.
رسما دایاندی قلبیم،
قالدیم باخا باخا…
ایندی،
اودو بودو
اولاندا وارام
اولمایاندا یوخام.
باخسانا سئوگیلیم،
حیات دا بئله دیر؛
دوزدور،
وارام،
سئویرم.
دوزدور،
بو ان تپه دن دیرناغا دویغویام، شعرم
دوزدور،
بیر وجود نفسم، قانام، سومویم، اتم
آما،
باخسانا،
بیر اوووج شیفره دن عیبارتم!…
توتالیم،
اجل ده،
اولماسین بئله،
بیرینی اونودارسام،
رسما قالار حیاتیم
ایستر کند اولسون.
ایستر شهر.
باخسانا سئوگیلیم،
اصلینده،
اولا اولادا یوخام بیر تهر…
یوخام بیر سحر…..
۲۰/۱/۹۴
۹/۴/۲۰۱۵

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بیر اوووج شیفره‌دن عیبارتم/ افراسیاب نورالهی

ایشیق
www.ishiq.net

آذربایجان ادبیات و اینجه‌صنعت سایتی

بیر اوووج شیفره‌دن عیبارتم/ افراسیاب نورالهی

ایشیق
www.ishiq.net

آذربایجان ادبیات و اینجه‌صنعت سایتی

بیر اوووج شیفره‌دن عیبارتم/ افراسیاب نورالهی

ایشیق
www.ishiq.net

آذربایجان ادبیات و اینجه‌صنعت سایتی