بیز گلدی-گئده‌ریک، سن یاشا دونیا! (باش ساغلیغی)

بیز گلدی-گئده‌ریک، سن یاشا دونیا!
(باش ساغلیغی)

چوخ تاسسوفله، آذربایجانین تانینمیش اجتماعی شخصیت‌لریندن اولان «ولی رحیم‌زاده بردی» ۸۶ یاشیندایکن ابدی‌لیک آرامیزدان آیریلمیشدیر.
ولی رحیم‌زاده آذربایجانین ملی- دمکراتیک حرکاتیندا گنجلیک یاشلاریندان اشتراک ائتمیش، اوتوزونجو ایل‌لرین بیرینجی یاریسیندا ایسه تانینمیش شخصیت اوستاد بهزاد بهزادی‌نین رهبرلیگیله اجتماعی- مدنی فعالیت‎لره قاتیشمیش و «آذربایجان» روزنامه‌سینین یئنی گیزلی نشری ایله باغلی یارانان تشکیلاتدا فعالجاسینا اشتراک ائتمیشدیر.
اوستاد ولی رحیم‌زاده‌ بردی مختلف تضییق‌لره، سورگون‌لره معروض قالدیغینا رغما عؤمرونون سونونا قده‌ر بشری ایده‌آل‌لاریندان مدافعه ائتمیشدیر. عؤمرونون سون اون ایلیندن آذربایجان ادبیات و مدنیتی‌نین چیچکلنمه‌سینده الیندن گلنی اسیرگه‌مه‌میش، مختلف مقاله‌لرله، آذربایجانلا باغلی خاطیره‌لریله و نشر ائتدیگی کیتابلاریلا بو یولدا امک صرف ائتمیشدیر.
چوخ حؤرمتلی شخصیتیمیز ولی رحیم‌زاده‌ بردی‌نین ابدی‌ آیریلیغینی «ایشیق» – آذربایجان ادبیات و اینجه صنعت سایتی امکداشلاری آدیندان اونون مؤحترم عائله‌سینه، تانیشلارینا، یولداشلارینا و ادبی- مدنی جمعیتیمیزه باش ساغلیغی وئریر و شرفلی خاطیره‌سینه عشق اولسون دئییریک.

«ایشیق» – آذربایجان ادبیات و اینجه صنعت سایتی
۲۰/۱۱/۱۳۹۶

Check Also

دونیا سندن کیم‌لر کئچدی / «ادبیات سئونلر گروهو»

دونیا سندن کیم‌لر کئچدی «ادبیات سئونلر گروهو» تاسسوفله‌لرله عزیز دوستوموز آذربایجان خالقینین موباریز اوغلو یازیچی، ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *