چئویرن: ایشیق
ترجمه: ایشیق
ایشیق

داها آرزون نه‌ده قالدی!
ستار گول‌محمدی

چوخدا بئله اولما اوشاق
حقیقته گل یاناشاق!
ایری دوروب دوز دانیشاق
ساتان ساتدی، آلان آلدی
داها آرزون نه‌ده قالدی!

واخت اولوب کی چوخ سنه‌ده
آخیب زامان ترسینه‌ده
حاق بوغولوب هر سینه‌ده
سانما بونلار بیر میثالدی
داها آرزون نه‌ده قالدی!

توپ توفنگ‌سیز یاخشی ساتدین
گؤر کندینه نه‌لر یاپدین
شر ایچینده خئییر تاپدین
آج نه بیلر هئیوا کالدی
داها آرزون نه‌ده قالدی!

عؤمرون بویو دؤنه-دؤنه
حسرت‌ایدین بیر آغ گونه
گونش دوغدو قیش عؤمرونه
سن گول آچدین، گول سارالدی
داها آرزون نه‌ده قالدی!

اوخونمامیش یازی یازدین
هر غمینه قبیر قازدین
هئچ اؤزونده اینانمازدین
طالع گئتدی،باخت اوجالدی
داها آرزون نه‌ده قالدی!

بیر پالازا بورونردین
ایلان کیمی‌سورونردین
هر قاپیدا گؤرونردین
حایات سنه ایندی بالدی
داها آرزون نه‌ده قالدی!

بیر گئجه‌ده ساوادلاندین
لوت قوش‌ایدین، قانادلاندین
کئچمیشینله عینادلاندین
ایندی مالین، باشقا مالدی
داها آرزون نه‌ده قالدی!

وار ایستردین، وارا چاتدین
چاتماز آرزولارا چاتدین
گؤر ‌هاردایدین،‌هارا چاتدین
سن قالاندین، ائل بوشالدی
داها آرزون نه‌ده قالدی!

مؤجوزه‌دیر چارخین ایشی
ائرکک اولور بعضن دیشی
سن ده بوگون اولدون کیشی
گئییندییین تیرمه شالدی
داها آرزون نه‌ده قالدی!

سن «ستّار»ی سوزمه بئله
اوره‌یینی اوزمه بئله
مغرور-مغرور گزمه بئله
دونیا یامان حال با حالدی
داها آرزون نه‌ده قالدی!

چاپ

2 پاسخ

  1. استادستارگلمحمدی خلق ادبیاتینین آتاسی اولاراق تورک دونیاسینین محتشم شاعیریدی. آللاهدان اوستادستارا جان ساغلیقی اوزون عومور آرزولاییرام.

  2. اوجا تاری دان
    قوجامان شاعیریمیز، ستار گول محمدی جنابلارینا، اوزون برکتلی عؤمور دیله ییره م.
    قَلَمی یازار اولسون
    بازاری بازار اولسون
    تاریخین قایاسیندا
    هئیکَلین قازار اولسون

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

داها آرزون نه‌ده قالدی! / ستار گول‌محمدی

ایشیق
www.ishiq.net

آذربایجان ادبیات و اینجه‌صنعت سایتی

داها آرزون نه‌ده قالدی! / ستار گول‌محمدی

ایشیق
www.ishiq.net

آذربایجان ادبیات و اینجه‌صنعت سایتی

داها آرزون نه‌ده قالدی! / ستار گول‌محمدی

ایشیق
www.ishiq.net

آذربایجان ادبیات و اینجه‌صنعت سایتی