چوخلارین گومان گؤتورور / افروز خانیم

چوخلارین گومان گؤتورور
افروز خانیم

دئیه‌م کی بعضی‌لری ائیله بیل زامان گؤتورور
و اؤز باشیندان ائله چوخلارین گومان گؤتورور
من اول یَلَم گده «روستم بیر پهلوانیدی»
بئله- بئله بو سایاق باشلارین دومان گؤتورور
سئحیر یازیر ائله بیل کی ائله توتور اؤزونو
کانَّهو ایکی سؤزجوکچه‌سین «شامان» گؤتورور
رقیبه اؤیله توتور تیر و ترکش و توپونو
قلم کی یوخ، ائله بیل اللره کامان گؤتورور
اؤزون نوبئل لره لاییق سانیر گده بعضی
و لیک چؤرتگه‌یه سالسان سؤزون سامان‌ گؤتورور
و اولمور آللاها بنده دوننکی جورما- جوجوق
ادیب‌لیگین داواسی بعضیسین یامان گؤتورور
تؤکولدو ات، اریدی یاغ سوموکلره یئریدی
سانال الینده بو «افروز» داها آمان گؤتورور

Check Also

توپونان گوپون نیسبتی / افروز خانیم

توپونان گوپون نیسبتی افروز خانیم عرض ائله‌ییم اوغلومون بو گون بتر توپ اویناماق گؤیلونه دوشموشدو، ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *