دوقتور «عبدالله(یانار) بهمنی»یه باش ساغلیغی (آذربایجان ادبی- مدنی درنک‌لری)

دوقتور «عبدالله(یانار) بهمنی»یه باش ساغلیغی (آذربایجان ادبی- مدنی درتک‌لری)

«ایشق سایتی»
باشین ساغ اولسون عزیز دوست!

عزیز و سئویملی دوست دوقتور «یانار بهمنی»!
اوره‌ک آغریسی ایله عزیز قارداشینیز، سئویملی دوستوموز «کاوه»نین هئچ گؤزلنیلمه‌دن سیرامیزی ابدی‌لیک ترک ائتمه خبرینی ائشیتدیک. نه ده آغیر و آجی‌ایدی بو ایتگی خبری! اونا اینانا بیلمه‌سکده آنجاق گلیملی – گئدیملی دونیانین بو اوزونو ده گؤرمک مجبوریتینده‌ییک. خلق شاعری صمد وورغون دئمیشکن:

ازلدن بئله‌دیر چونکی کائنات
جهان دائمی‌دیر، عؤمور آمانات.
الدن اله کئچیر وفاسیز حیات
بیز گلدی- گئدریک، سن یاشا دونیا!

سیزین بو آغیر دورومونوزدا کنارینیزدا اولماق و سیزینله یاناشی بو آغیر ایتگی‌یه تابلاشماق بوینوموزا دوشن وظیفه‌دیر. بیزی‌ده اؤز غمینیزده اورتاق بیلین. «ایشیق» – آذربایجان ادبیات و اینجه‌صنعت سایتی- امکداشلاری آدیندان سیزه، بهمنی عائیله‌لرینه خصوصیله‌ده سیزین و عزیز «کاوه‌»نین بوتون یولداشلارینی اؤز ائولادی کیمی‌همیشه باغرینا باسان سئویملی «آنا»یا باشینیز ساغ اولسون دئییریک و عزیز دوستوموز «کاوه»نین خاطیره‌سینی عزیزله‌ییریک. سیز ساغ اولاسینیز!

«ایشیق» – آذربایجان ادبیات و اینجه‌صنعت سایتی
۲۱ آذر ۱۳۹۶

***

«ادبیات سئونلر»گروهو
باش ساغلیغی!

آلدیغیمیز خبر اساسیندا عزیز دوستوموز، سئویملی شاعیر دوقتور عبدالله(یانار) بهمنی عزیز قارداشینی الدن وئریبدیر. «ادبیات سئونلر» گروهو بو آجی آیریلیغی بهمنی عائیله‌سینه و سئونلرینه تسلیت دئیب، باش ساغلیغی وئریر .

«ادبیات سئونلر»گروهو (مجازی ادبی انجمن)
۲۱ آذر ۱۳۹۶

***

«ساهر ادبی- مدنی درنه‌یی»
بیز گلدی- گئدریک، سن یاشا دونیا!

چوخ تاسفله بو گون آذر آیی‌نین ۲۱ی عزیز شاعر دوستوموز و درنه‌ییمیزین سئویملی عضوی دوقتور «یانار بهمنی» اؤز ایستکلی قارداشی «کاوه»نی الدن وئرمیشدیر. بیز ساهر ادبی- مدنی درنه‌یی‌نین عضولری تام اوره‌ک آغریسی ایله بو آجی خبری قارشیلاییر و سئویملی دوستوموزلا برابر آجی چکیریک. بو آغیر ایتگی‌له علاقه‌دار سئویملی شاعریمیز دوقتور «یانار بهمنی»یه، عزیز آناسینا، «بهمنی» عائیله‌لرینه و دوست تانیشلارینا باش ساغلیغی وئریب «کاوه»نین عزیز خاطیره‌سینه عشق اولسون دئییریک!

ساهر ادبی- مدنی درنه‌یی
۲۱ آذر ۱۳۹۶

***

«دالغا موسیقی گروهو»
عزیز قارداشیم دوقتور عبدالله بهمنی(یانار) جنابلاری!

بوگون اوزاقدان «ایشیق» سایتینی ایزله‌دیییمده، بیر آجی و چوخ اوزونتولو خبرین شاهیدی اولدوم کی عزیز قارداشینیز «کاوه» بو دونیادان گؤز یومموش و ابدیته قوووشموش،  چوخ اوزولدوم. بو آجی اولایی سیزه و حؤرمتلی عائله‌نیزه باش ساغلیغی و گئچمیش اولسون! دئییرم.

حؤرمتله چنگیز مهدی‌پور
۲۲ آذر ۱۳۹۶

Check Also

رونمایی از کتاب «آجی چای» (مجموعه اشعار ترکی) استاد مفتون امینی

رونمایی از کتاب «آجی چای» (مجموعه اشعار ترکی) استاد مفتون امینی انتشارات «آواز» با همکاری ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *