«عاشیقلار بیرلیگی»‌نین قزوین شعبه‌سی یاراندی

«عاشیقلار بیرلیگی»‌نین قزوین شعبه‌سی یاراندی

ایران عاشیقلار بیرلیگی‌نین تشبثی ایله قزوین اوستانیندا عاشیقلار بیرلیگینین شعبه‌سی یاراندی. قزوین، تاکستان، بوئین‌زهرا، الوند و آبیک عاشیقلارینین اشتراکی ایله کئچیریلن ییغینجاقدا و ایران عاشیقلار بیرلیگی‌نین صدری عاشیق سلجوق شهبازی و آبیک مدنیت اداره‌سینین رئیسی کریم‌الله زرگر‌ین حضوروندا قزوین عاشیقلاری بیرلیگینین باشچیسی و بیرلیگین فعالیت مرکزی تعیین ائدیلدی. بو ییغینجاقدا اشتراکچیلارین سئچیمیله عاشیق احمد شهبازی(سهندآوالی) شعبه‌نین صدری، آبیک شهری بیرلیگین فعالیت مرکزی، ناصر شهبازی ایران عاشیقلار بیرلیگی‌ صدری‌نین نماینده‌سی، و عاشیق عباس احمدی، عآشیق محرم ممی‌یژاد و عاشیق حسین شهبازی قزوین عاشیقلار بیرلیگی‌نین اداره هیاتیینه سئچیلدیلر. بو ییغینجاقدان الیمیزه چاتان شکیل‌لری «ایشیق» سایتینین اوخوجولارینا تقدیم ائدیریک. شکیل‌لری و ییغینجاغین خبرینی جناب ناصر شهبازی سایتیمیزا گؤندریبدیر.

Check Also

اوستاد «مفتون امینی»نین تورکجه شعرلری یاییلاجاقدیر

اوستاد «مفتون امینی»نین تورکجه شعرلری یاییلاجاقدیر تانینمیش ایران و آذربایجان شاعری اوستاد «مفتون امینی»نین آذربایجان ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *