غزل/ مهناز صابونی


غزل
مهناز صابونی

اوره‌ییمده بزنیلمیش باهارین گوللری‌سن

داملا- داملا قلمین خوش دانیشان دیللری‌سن

گؤزومون گوزگوسو پاسلانسادا غمدن سیله‌رم

یادیمی‌سیرکه‌له‌ین خاطیره‌لر اللری‌سن

سنسیز اولسا غزلیم، ماهنی‌لار اوخشار آغلار

سازیمین تیترک اسن ساچلارینین تئللری‌سن

ایتمیشم گؤزلرینین پنجره‌سیندن اوبالار

کؤنلومون ذیروه‌لریندن کؤچری ائللری‌سن

ساخلارام عشقیمی‌ایللر بویو چیلغین- چیلغین

کؤزون آلتیندا آلولاندیران آغ یئللری‌سن

گونلری هفته‌لری سنله بؤلوشدوم آنجاق

عؤمرون وورغون اوره‌ک پارلاق اولان ایللری‌سن

Check Also

قوروماز کسیلن دیللرین قانی/ معصوم جبارپور

قوروماز کسیلن دیللرین قانی معصوم جبارپور چارمیخا چکیلن آغریلاریم تک قابارلی سؤزلریم کیتابلاریمدا. ایللردیر یانیری ...

۵ comments

  1. سن بو نیفرت له دولوب چالخالانان دونیاده

    /اوره ییمده گؤیه رن سئوگی قرنفیللری سن

  2. احسنت مرحبا خانيم صابوني بيرتمام كاميل غزل يازمئسان نفسين ايستي اولسون ياشا شاعير ياشا
    جمالين شمعينه جانا يانارپروانه لر بيربير چئكئر زنجيرزولفين حسرتين ديوانه لربيربير

  3. سلام
    خانوم صابونی
    شعرای خوبی دارین منتظر کلیک رنجه تونم

  4. سالام گؤزل شغيرلريندن فايدالانديم اولارسا چوخ سئويننم منيم وئبيمه ده باش ووراسان

  5. سلام همسر عزیزم
    ارزوی موفقیت برات دارم
    شاکرم و افتخار میکنم که همسری چون تو دارم

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *