شعرلر / ع.ن.چاپار

شعرلر
ع.ن.چاپار

(۱)
اؤلدورولن دویغولاریم –
اؤلدورولن کؤرپه‌جه‌لیییمدن
ایندییه‌دکلیییمین
آن با آن کئچیریلدییی وارلیغی!.
اؤلدورولن یالنیز
و یالنیز …
تکی، منمیشم دئمه!.
– اؤزوم –
و ساده‌جه
شاعیرلیییم
و پولتیکالی هئیوه‌رم!!! .

(۲)
اللرینی آلاجاغام الیمده،
گرزلرینه باخاجاغام دریندن؛
دریندن سئزه‌جه‌ین –
منه ساری دویغولارینی!
گؤزلرینده جوماجاغام بئله‌جه
اوزمک باجارمادان بیر سوزمان کیمی…
بوغولماق ایسته‌ییرم؛
نئجه دئییم؟…
بوغولماق!!
بودا تکی –
منیم حاققیم ،
منیم ساییم‌دیر!
دوشونسه‌نه
دوشونسه‌نه؟!
دریندن سئزه‌جه‌یم…

(۳)
بیری دئییر:
بوغولاریق، اؤله‌ریک
هاواسیز، آنجاق!.
بیری ایسه:
دوز – چؤره‌کسیز
دئییر، دوزو!.
سؤزسوز،
من ده اینانیرام
بونا یقین.
هاواسیزلیق
بیر لحظه‌ده بوغار بیزی.
دوز – چؤره‌ک‌سه
سوروندورر دیزی – دیزی،
اولمایاندا!.
لحظه – لحظه بوغولاریق، لحظه‌لرده،
لحظه – لحظه اؤله‌ریک
دوز – چؤره‌کسیز
هامیمیز بیز!

(۴)
واراق کیمی‌تؤکولور
یارپاق – یارپاق آغاجلار!
گؤی بولوتلاردان
مرکب ساغیر.
دردلی – دردلی
اینسانلارین محنتینی
یازاجاقدی یئر…
بوندان بئله
بوتون گؤزلر –
اوخویاجاق اینسانلاری،
دردلریله!
دینر – دینمز،
ایسترسه یا ایسترمه‌مزدن!

Check Also

قوروماز کسیلن دیللرین قانی/ معصوم جبارپور

قوروماز کسیلن دیللرین قانی معصوم جبارپور چارمیخا چکیلن آغریلاریم تک قابارلی سؤزلریم کیتابلاریمدا. ایللردیر یانیری ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *