لاله‌لر نه اولوب؟! / ائلدار موغانلی

لاله‌لر نه اولوب؟!
ائلدار موغانلی

بو داغلارا اله‌نن داغلی لاله‌لر نه اولوب؟!
شفق الینده جالانمیش پیاله‌لر نه اولوب؟!
گونش شعاسینا آسمیش اؤزون سحر واختی-
ساچیندا پؤهره‌لنن گور شلاله‌لر، نه اولوب؟!
گؤزونده نور قاماشان آغ چیچکلری دن- دن –
یاناقلاریندا قیزارتدیقجا ژاله‌لر، نه اولوب؟!
اسیبدی سانکی سیزیلتی بو داغلارین دؤشونه
گونش دئییب اوجالان اودلو ناله‌لر نه اولوب؟!
اؤلوم- دیریم باهاسیلا قیزیللاشیب تورپاق
قانیله قول چکیلن اول قباله‌لر نه اولوب؟!
بو ذیروه‌لر اوره‌ییندن یاغیبدی اولدوزلار
باشیندا شعله چکن نورلو‌هاله‌لر نه اولوب؟!
کؤزرتی‌لر آراسیندان اوچور سمندرلر
گؤزونده نور، دؤشو اولدوزلو لاله‌لر نه اولوب؟!
مرداد ۱۳۹۶- تهران

Check Also

قاییتماز اولدو/ بهروز دولت‌آبادی(چای اوغلو)

قاییتماز اولدو بهروز دولت‌آبادی(چای اوغلو) چوخ صفالی، چالیشقان، آزادلیق وورغونو ده‌یرلی دوستوم «سیفی»یه اتحاف. نئجه ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *