خَزه‌ل آیی/ ابوطالب نصیری پروچ(پیریکلی آرتان)


خَزه‌ل آیی
ابوطالب نصیری پروچ(پیریکلی آرتان)

خَزه‌ل آیی باشلانیب
بیلیمه یاناشلانیب
ائلین گؤزه‌ل اوُشاغی
سانکی بیر گؤی قوُرشاغی
ائرته آلتی‌دان اویاق
گئیینیر بویاق- بویاق
اوخوُل پالتارین گئییر
ائرته یئمه‌گین یئییر
فیرچالاییر دیشلرین
گؤرور بوتون ایشلرین
بیر‌ لیوان سوتون ایچیر
قوُرآن آلتیندان گئچیر
کیفین تاخیر قولوُنا
دوشور اوخوُل یولوُنا
درس اوخوُر بیلگیلَنسین
بیلگی‌له ایلگیلَنسین
کیم بیلگییه باش قاتار
نه‌یه ایسته‌سه چاتار.

Check Also

گونه‌باخان / رامین جهانگیرزاده

گونه‌باخان رامین جهانگیرزاده گونه باخان گون اورتا باخیر گونشه ساری ایچینده قارا توملار لئچه‌یی وار ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *