«آذربایجان تبریز تیاتری» ایشیق اوزو گؤردو

«آذربایجان تبریز تیاتری» ایشیق اوزو گؤردو

آذربایجانین گؤرکملی تئاترشناسی و نظریه‌چی عالیم، ایلهام عزیز اوغلو رحیملی‌نین “تبریز آذربایجان تئاتری” کیتابی، امکداشیمیز «احمد عسگرپور»ون امه‌یی سایه‌سینده ایشیق اوزو گؤردو. بو ده‌یرلی کیتاب تکدرخت نشریاتی طرفیندن یاییلمیش و اونون گرافیکا ایشلرینی سعید شیخ‌بیگلو گؤرموشدور.
ایلهام عزیز‌اوغلو رحیملی ۱۹۴۹-جو ایل سئنتیابرین ۸-ینده آذربایجان جمهوریتی‌نین یئولاخ رایونونون مالبینه‌سی کندینده دوغولوب. یئولاخداکی بیر سایلی اورتا مکتبین اون‌بیرینجی صینیفینی ۱۹۶۶-جی ایلده بیتیریب. ۱۹۶۷ینجی ایلده میرزاغا علییئو آدینا آذربایجان دؤولت اینجه‌صنعت اینستیتوتونون فاکولته‌سینه داخیل اولوب و بو عالی مکتبی ۱۹۷۲نجی ایلده بیتیریب. هله اینستیتوتون سون کورسوندا اوخویاندا “کومونیست” (ایندیکی”خالق”) قزئتی رئداکسیاسینا تجروبه کئچمه‌یه گؤندریلیب. تجروبه زامانی بیر نئچه مقاله‌سی چاپ اولونوب. حربی خیدمتدن سونرا یئنه رئداکسیایا قاییدیب. مختلف ایللرده ادبی ایشچی، باش مخبر، مدنیت شعبه‌لرینین مدیری کیمی‌و “آذربایجان” قزئتی‌نین باش رئداکتورو ایشله‌ییب.
۱۹۹۳-جو ایلدن ۲۰۰۳-جو ایله کیمی‌آکادئمیک ملی درام تئاتری‌نین ادبی حیصه مدیری اولوب؛ سونرالار آذربایجان تئلویزیاسینین “معاریفچیلیک” رئداکسیاسیندا باش رئداکتور وظیفه‌سینده چالیشیب. ۲۰۱۱-جی ایل‌دن آذربایجان مدنیت کانالی‌نین دیرئکتور معاونی‌دیر.
ایلهام رحیملی‌نین ایندییه‌قده‌ر مینه یاخین مقاله‌سی و ۵۷ کیتابی‌ چاپ اولوبدور. ۲۰۰۵‌ینجی ایلده باکی‌دا چاشی‌اوغلو نشریاتی طرفیندن ۱۵۶ صحیفه‌ده چاپ اولان “تبریز آذربایجان تئاتری” کیتابی‌نین اهمیتینی نظره آلاراق امکداشیمیز احمد عسگرپور (پیام سارابلی)، اونو عرب الیفباسینا کؤچوروب و بوتون آذربایجان تئاتر صنعتی هوسکارلارینا تقدیم ائتمیشدیر.

Check Also

دومین کارگاه آموزشی کمانچه (مستر کلاس) امامیار حسن‌اوف در تهران

دومین کارگاه آموزشی کمانچه (مستر کلاس) امامیار حسن‌اوف در تهران دومین کارگاه آموزشی کمانچه (مستر ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *