اؤلومویله دوغولان دلی!/ زینب فرجی

اؤلومویله دوغولان دلی!
زینب فرجی

اوره‌ییمده ایلدیریم شاققیلدیر، شاخیر
اوره‌ییمه قوناق گلیر گئدیر
آنجاق اوره‌ییم ساتیلماز بیر قالادیر
بیلیرسن‌می‌دونیا پیس یئردی؟
نه آتماق اولور
نه ده اوتماق
دوققوز ایدی سنی سئومک اوچون
توکاندا
قونشولار
تلویزیوندا آپاریجیلار بئله، پیچیلداشیردیلار!
دوغروسو بو ایدی سنی سئومک اوچون
آداملاری،
بوتونلوکله یاندیریب، یاخاق!
دوغروسو بو ایدی سنی سئومک اوچون
بنؤوشه‌نی، نرگیزی، سوسنی، سسله‌مَه‌یَک!
آتدان ائنه‌نی آتا میندیرمزلر؛
بیلمیرم،
آمما حئییف اولا ایش ترسه گلدی،
منی کؤکومدن ایراق سالدیلار…
گل، پالتارلاریمیزی بؤلوب جیریق جیریق ائدک!
بیلمیرم بو خسته‌خانادا،
نئجه سنی‌هامییا تعریف ائدیم؟
بلکه، بیرنفر سنی سئومک ایسته‌دی؟
داها گوج وئرمه سسینه،
دوغروسو بو ایدی من سنی هئچ دوغمایادیم
اوندا بلکه قبیرداشیم اوسته یازاردیلار:
دوغوم گونون قوتلو اولسون٬
اؤلومویله دوغولان دلی!

Check Also

سسلن! / میرجمال حسینی(اینجیک)

سسلن! میرجمال حسینی(اینجیک) ظولمو داها ایت ده قان‌دی سسلن! سسلن! سسیمیزده قان‌دی، سسلن! چکمیر اوره‌ییم ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *