یارپاقلار تؤکولنده/ ذولفقار کمالی

یارپاقلار تؤکولنده
ذولفقار کمالی

کؤنلومده بیر تیتره‌ییش
یارپاقلار تؤکولنده!
الوداع ای سون باخیش
یارپاقلار تؤکولنده!

آرزیلاریم داش اولدو،
تورپاغا یولداش اولدو،
گؤزلریم یاشا دولدو
یارپاقلار تؤکولنده!

اینجه خیاللاریمدا
گول قالیب اللریمده؛
باغلاندی یوللاریمدا
یارپاقلار تؤکولنده!

ساپ -ساری زعفران تک
سولدو الوان گول چیچک؛
آغاجلار نئیله‌یه‌جک
یارپاقلار تؤکولنده؟!

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *