چئویرن: ایشیق
ترجمه: ایشیق
ایشیق

کور دومان
بهمن زمانی

اوچ قارداش داغیندان قالخدی جانبازا
آتین یالمانینا یاتدی کور دومان!
دینجلدیم د‌ٮٔمه‌دی قانادی سینمیش
اودور، بیزیم کنده چاتدی کور دومان!

سیرتیق کله کیمی تپیلدی کنده،
بٮٔش_اون گون بوردایام _دٮٔدی گلنده،
یاغیش کوره‌یینده، چیسگین الینده
اوزادیب قیچلارین یاتدی کور دومان!

کند اوسته بارداشین قوروب اوتوردو،
الینه گٮٔچه‌نی سویا باتیردی،
او قده‌ر دایاندی، قیشی گتیردی
پاییزی چیلله‌یه قاتدی کور دومان!

الیندن قورتاران شهره قاشدی،
تهرانا، تبریزه، اهره قاشدی،
هرکسین اؤزونه اؤزو ساتاشدی،
ده‌یرین ده‌یمزه ساتدی کور دومان!

«بهمن» یاز دوماندان چندن الحذر!
عؤموردن هدره گٮٔتدی او گونلر؛
هر آخشام، هر ناهار، هرگون، هر سحر
شیش کیمی گؤزومه باتدی کور دومان!

چاپ

یک پاسخ

  1. اوستاد زمانی نین شئعرینی گؤردوکده چوخ سئویندیم. اومید ائدیرم، اونون شئعرلری توپلانیب، یلییلسین. اوستاد زمانی بیر گنجینه دیر کی، قییمتلی جواهیرلری خالقین گؤزلرینی ایشیقلاندیرمالی دیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

کور دومان / بهمن زمانی

ایشیق
www.ishiq.net

آذربایجان ادبیات و اینجه‌صنعت سایتی

کور دومان / بهمن زمانی

ایشیق
www.ishiq.net

آذربایجان ادبیات و اینجه‌صنعت سایتی

کور دومان / بهمن زمانی

ایشیق
www.ishiq.net

آذربایجان ادبیات و اینجه‌صنعت سایتی