قاراداغلی شاعیر «تانیش افسر»ین آغیرلاما تؤرنی

قاراداغلی شاعیر «تانیش افسر»ین آغیرلاما تؤرنی
اوره‌ییم کؤورکدی جانیم یارالی
‌هارا گئتسز منی تکجه قویمایین
یاشایا بیلمرم سیزدن آرالی
‌هارا گئتسز منی تکجه قویمایین

قاراداغلی شاعیر «تانیش افسر»ین آغیرلاما تؤرنی و شاعیرین یئنی نشر اولموش، اوچونجو شعر مجموعه‌سی ساییلان «آچار» کیتابینین تقدیمات مراسیمی‌«دده‌قوربانی ادبیات اوجاغی» تشبتی ایله تهراندا کئچیریله‌جک. دیلیمیزین وورغونلاری، ادبیات خادیملری، آذربایجان شاعیرلری و یازیچی‌لاری‌نین و‌هابئله شاعیرین ادب سئور دوستلاری‌نین و عایله‌سی‌نین حضورو ایله کئچیریله‌جک بو مراسیمده قاراداغین تانینمیش عاشیق‌لاریندان اوستاد عاشیق محبوب خلیلی، عاشیق احمد حمیدی و عاشیق اکبر باقری‌نین چیخیشلاری اولاجاقدیر.
۵۶ یاشلی تانیش افسری‌دن بو گونه کیمی‌ایکی کیتاب نشر اولوب:
یوللار – تکدرخت انتشاراتی – ۱۳۸۷
بلکه- تکدرخت انتشاراتی- تهران ۱۳۸۸
۲۷۲ صفحه‌لیک «آچار» شعر مجموعه‌سی شاعیرین اوچونجو کیتابی ساییلیر.
حؤرمتلی قاراداغلی شاعیریمیز، تأسفلرله سون آیلاردا «معده سرطانی» خسته‌لیینه دوچار اولوب. عزیز شاعیریمیزه شفا آرزو ائدیب، اونا اوزون عؤمور و ادبی حیاتیندا داها آرتیق اوغورلار آرزو ائدیریک.
«دده‌قوربانی ادبیات اوجاغی» آذربایجان ادبیاتچیلاری و ادبیات سئورلری و‌هابئله عاشیق موسیقی‌میزین وورغونلارینین بو مراسیمه قاتیلمالارینی ایسته‌میشدیر.
مراسیم سه‌شنبه گونو ۱۳۹۶/۴/۲۷ ساعت ۱۷:۳۰ اشراق» مدنین ساراییندا آشاغیداکی عنواندا کئچیریله‌جکدیر. مجلیسده اشتراک ائتمک عموم اوچون آزاد و پولسوزدور.

تهرانپارس، خ. جشنواره، روبروی مترو فرهنگسرا – فرهنگسرای اشراق

Check Also

عاشیق عدالت وفات ائتدی

عاشیق عدالت وفات ائتدی یاییلان خبرلر اساسیندا، چوخ تاسفله دونیا شؤهرتلی آذربایجان امکدار اینجه صنعت ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *