چئویرن: ایشیق
ترجمه: ایشیق
ایشیق

اوستاد عاشیق «چنگیز مهدی‌پور»و تبریک ائدیریک…!

تانینمیش «دالغا» موسیقی گروهونون رهبری گؤرکملی آذربایجان صنعتکاری اوستاد عاشیق چنگیز مهدی‌پور آردیجیل یارادیجیلیق اوغورلارینین داوامیندا یئنی بیر اوغوردا قازاندی.
ائشیتدیگیمیزه گؤره تانینمیش صنعتکار آذربایجان جمهوریسینده ایلک «عاشیق- اوزان صنعتی اونیوئرسیته‌سی»نده بوندان سونرا رهبر ایشچی کیمی فعالیت گؤستره‌جک و طلبه‌لره عاشیق صنعتینی یئنی و مدرن مئتودلارلا تدریس ائده‌جکدیر.
آذربایجان ملی کونسئرواتوریاسینین مدیری بسته‌کار سیاوش کریمی‌نین مراجعتی اساسیندا اوستاد عاشیق چنگیز مهدی‌پور کونسئرواتوریا سویه‌سینده سکگیز تحصیل ترمی مدتینده علمی شکیلده عاشیق صنعتی‌نین تدریس پروگرامینی حاضرلایاجاق و اونیوئرسیته‌نین بو ایلدن طلبه‌ قبول ائتمه‌سینی حیاتا کئچیره‌جکدیر.
آذربایجان «عاشیق- اوزان صنعتی اونیوئرسیته‌سی»نده اوستاد عاشیق چنگیز مهدی‌پورون ۲۰۱۲نجی ایلده باکیداکی «علم و تحصیل» نشر ائوی طرفیندن یاییلان و حال حاضیردا آذربایجان «اینجه صنعت و مدنیت اونیوئرسیته‌سی»ینده تدریس اولونان «قوپوز مکتبی» کیتابی و ائله‌جه‌ده ۲۰۰۴نجی ایلده تبریز شهرینده نشر اولان و سونراکی ایللرده تکمیللشن «عاشیق هاوالاری» کیتابی تدریس ائدیله‌جکدیر.
«ساهر ادبی- مدنی درنه‌یی» عضولری و «ایشیق- آذربایجان ادبیات و اینجه‌صنعت سایتی» امکداشلاری سئویملی صنعتکاریمیزین یئنی یارادیجیلیق و صنعت اوغورونو اوستادا تبریک دئییر و اونا داهادا اوغورلار آرزولاییر.

«ساهر ادبی- مدنی درنه‌یی»
«ایشیق- آذربایجان ادبیات و اینجه‌صنعت سایتی»
۲۳/۰۴/۱۳۹۶

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

تبریک ائدیریک…!

ایشیق
www.ishiq.net

آذربایجان ادبیات و اینجه‌صنعت سایتی

تبریک ائدیریک…!

ایشیق
www.ishiq.net

آذربایجان ادبیات و اینجه‌صنعت سایتی

تبریک ائدیریک…!

ایشیق
www.ishiq.net

آذربایجان ادبیات و اینجه‌صنعت سایتی