چئویرن: ایشیق
ترجمه: ایشیق
ایشیق

بویالار اؤلچوسو
مسعود آذر 

پاییز…
پاییز بوریوب کائیناتی؛
وارلیق پاییزا یؤنه‌لیر،
پاییزا دوغرو آددیملاییر.
داغلارین جیداسی
سحر ائرته‌ایکن
شافاقا یوخ،
پاییزا بویانیر.
دنیز اوزره قاچان دالغالار
گونش باتارکن
قانا یوخ،
پاییزا بله‌نیر.
هر یئردن پاییز اله‌نیر.
مئشه
پاییز رنگی‌دیر؛
یئر، گؤی، توپراق،
سو، آرخ ، بولاق
پاییز رنگی‌دیر؛
منیم گؤزلریمین گیله‌سی‌ده
پاییز رنگی‌دیر،
پاییز رنگی.
سنین گؤزلرینین بویاسی‌ایسه
ماوی دیر،
ماوی.
عؤمور آغاجلارین
ماوی‌لیکدن سو ایچیب،
ماویلیکده بوی آتیر.
سنه سو دا ماوی‌دیر،
چؤره‌ک‌ده.
دنیز،
مئشه ماوی‌دیر،
داغ ماوی.
سنه حیات‌دا ماوی‌دیر ،
اوره‌ک‌ده.
اوره‌یینده یئرله‌شن ـ
اولو دیلک‌ده.
سنین ماوی‌لییندن-
حیات جان آلیر،
داوام تاپیر.
گله‌جه‌یه ساری یول آچیر؛
سندن تکی ـ
ماوی لیک قالیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بویالار اؤلچوسو / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی

بویالار اؤلچوسو / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی

بویالار اؤلچوسو / مسعود آذر

ایشیق
www.ishiq.net

آذربایجان ادبیات و اینجه‌صنعت سایتی