طبیعت ایچیمیزده گیزله‌دیبمیش نه‌لری؟! …/ ع.ن. چاپار

طبیعت ایچیمیزده گیزله‌دیبمیش نه‌لری؟! …
ع.ن. چاپار

اود یاغدی باشیمیزدان
لعنت دئدیک اودلارا!
لام – لام اسدی سرین یئل،
بهشت‌دیر دئیه شاختا –
آچیلدیق هدیک – هدیک،
جهنم‌دیر اود؛ دئدیک.

بعضا” سجده ده قیلدیق
اودلار برابرینده.
سویوقلا قارشی دوروب
شاختایا اییلمه‌دیک!…
بعضا”
یاخشی قانیرام:
بیزیم بوردا بیلیرم –
گؤیدن یاغیش یاغاندا
سکسن یاشدا قوجانین –
بانلایاجاق ایچینده
بوتون گؤیده کی قوشلار.
بیلیرم
خاطیرینده –
هایقیراجاق اوره‌کدن
کؤوشنده کی جامیشلار!

آفریقادا بیر قوجا
تر تؤکور چوپور – چوپور؛
اونون خاطیره‌سینده
معدن‌لرین عذابی،
ایستی اود قاباغیندا
بیر جهنم تک اؤتور…
بلکه لذت گؤرونور
اونا دا بو عذابلار،
آخی گنجلییین نئجه –
اوندا بیله‌جکدی کی
بیزیم بوتون قوجالاز؟!…

طبیعت ایچیمیزده
گیزله‌دیبمیش نه‌لری؟!
سئودیک اؤز ایچیمیزده
ایتیب گیزله‌نن‌لری.
سئودیک اوزاقلارداکی –
چوخلو سئویلمزلری.

Check Also

اؤلومویله دوغولان دلی!/ زینب فرجی

اؤلومویله دوغولان دلی! زینب فرجی اوره‌ییمده ایلدیریم شاققیلدیر، شاخیر اوره‌ییمه قوناق گلیر گئدیر آنجاق اوره‌ییم ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *