آه . . . بو کوچه‌لردن ! / ع.ن. چاپار

آه . . . بو کوچه لردن !
ع.ن. چاپار

آرخادان
داشا باسیلا – باسیلا
دیب‌لری باغلی کوچه‌لردن قووولدوق.
دیوارلاری داشدان هورولموش ائولر,
بینالاری قیسا,
قاپیلاری رزه‌سیز –
قاپالی کوچه‌لر! . . .

گؤلمه‌جه‌لرده
قیژغیرمیش سولارداکی بوغولونان
بالیقلارتک
نفه‌سیمیز تنگه دوشموش.

آرخادان آتیلان
داشلارا باسیلاراق،
دؤیولوروک یامان؛
قیسالیریق بینالارتک
هؤرولوروک داش کیمی‌دیوارلاردا؛
قاپیلیریق –
رزه‌سیز،
قاپالی قاپیلی کوچه‌لرده.

اؤلوروک اینله‌مه‌دن؛
اه . . .
بو کوچه‌لردن .
بو . . .
کوچه‌لردن !…..

۸۸/۰۷/۲۶

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

One comment

  1. سلام علی جان خوبی . کمالم در صورت امکان تماسی با هم داشته باشیم.kamal_eb@yahoo.com

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *