ایکی شعر / ح. هریزلی

ایکی شعر
ح. هریزلی

(۱) حیات
من کى
اوچماغا قاناد ایسته‌میرم
یاخود
دؤرد نالا چاپماغا
روزگار قانادلى بیر آت.
نه قاناد
نه آت
یالنیز
عؤمور پاییمدا
اینسان شأنینه یاراشان
بیرحیات ایسته‌ییرم
بیرحیات.
باهار۱۳۷۹

(۲) یاشیل آرزى
قیشین سویوق نفسى
هوپدو مئشه‌نین جانینا
سازاغین بوز نغمه‌سیله
تیتره‌شدى جویورلر
دوندو سولارین سسى
قوشلارین نغمه‌سى
دوندو آغاجلارین دامارلاریندا قان
دوندو مئشه‌ده هرزاد
دونمادى آنجاق حیات
مئشه‌نین کؤکسونده دؤیوندو اوره‌ک
یام یاشیل آرزیلارلا

Check Also

بیر اوووج شیفره‌دن عیبارتم/ افراسیاب نورالهی

بیر اوووج شیفره‌دن عیبارتم افراسیاب نورالهی بو منیم بانکا کارتیمین شیفره‌سی…… بو یاناجاق کارتیمین …… ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *