سنسیز او گئجه… / سعید موغانلی

سنسیز او گئجه…
سعید موغانلی

اؤپوش‌سوز اوتاق
گولوش‌سوز دووار
من ال‌لرینی بیر ایتیک کیمی‌آختاریرام…
و یالقیز- یالقیز آغلاییرام…
آج، سوسوز، وودکاسیز، پاراسیز
یالقیزلیغیم‌لا قهوه ایچیرم!
قارانلیقلا سیگار چکیرم!
شعرلریمی‌قیرمیزی لئچه‌یینه بوکورم
و قزئت‌لری باشماغی‌نین اوستونه ییغیرام!!!
سنین اللرین اولمایاندا
نه چتین‌دیر حیات…
پاییزلی گؤزلرین
باغیرمایاندا
دوداقلاریم اوشویور…
فیشنگیم نم چکیر…
قلمیم سکوت…
سن اولمایاندا سوسوز قالیرام
آج قالیرام
سن اولمایاندا سن‌سیز قالیرام!!!

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *