گوزگوده / ناصر داوران

گوزگوده
ناصر داوران

گوزگونون دومانلیغیندا
منی یامسیلایان کیمسه
رضا شاه‌دان قالان قاطارین
عکس صداسی،
موزئی اشیالارینین
ائکیز باجیسی.
ایندی پایین آیری چکیر مندن
منیمله برابر
گنج ایل‌لر یاشایان کیشی
من دئییلمیش کیمی.
یاتاغیمدا لاپ یاخشی دویورام بونو.
خاطیره‌لریمه قاریشان هوس‌لریم
یوزولماز یوخولاریمین اسکی قایناغی.

ترک ائدیر بویالاری
جنگی بسته‌لر،
تورپاغین یاش نفسینه قاریشمیش
ساری‌لی، قیرمیزی‌لی یارپاق‌لار
گئرچک‌لشیر
گوزگوده‌کی کیشی ده.

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *