سنین گؤزلرین / سعید موغانلی

سنین گؤزلرین
سعید موغانلی

سنین گؤزلریندن باشلاندی زامان
قوی هئچ ایشله‌مه‌سین پوزوق ساعات‌لار
یالان- یانلیش یازسین قیسیر تقویم‌لر

گؤزلرینده سئوینج وار
حیات وار
بیر آزدا کدر
باخیشین تانرینین باغیرتیسیدیر

سنین گؤزلریندن باشلاندی تانری
گؤزلریندن اؤنجه
قارا بیر شئیطانین قوللوقچوسویدوم
و گؤزلریندن سونرا
یاشیل بیر تانرینین قیزیل بوقچاسی

سنین گؤزلریندن باشلانیرام من
بیله‌ییمده پولیس کلفچه‌لری
اوره‌ییمده آلا گؤزلرین
ساعات یئرینه
تیق…تیق…تیق…
قووالاییر کیپریکلرین ثانییه‌لری
تاخ… تاخ… تاخ…
قووالاییر منی پولیس‌لر
و اوره‌ییمده دؤیونور زامان, دایانیر ز…آمان

آخی گؤزلرینین باریتیندان آچیلیر
الیمیزده کی سئودا تاپانچالاری
و عئینی زاماندا پارتلایاجاق
سنین گؤزلرینه کؤکلنمیش
اوره‌ک بومبالاریمیز.

Check Also

شبسترلی‌لریم! / اکبر صالحی (قاداش)

شبسترلی‌لریم اکبر صالحی (قاداش) یئنه کؤنلوم داریخیر بوردا شبسترلی‌لریم! ایستیرم بیرده دؤنم یوردا شبسترلی‌لریم! باخمایین ...

One comment

  1. ماحموددالعا

    باغلی گؤزلر”
    اوتور گؤروم ناوار نایوخ
    قاچارقان اولموسان ندن؟
    سولوبدور سؤزلریم منیم
    سوسوب دوداقلارین سنین.
    اوتور یانیمدا بو گئجه
    آچاق گونشلی سؤزلری
    یاناق الوولاناق گرک
    آچاق بو باغلی گؤزلری.
    #ماحموددالغا
    https://telegram.me/bizimdil

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *