اوتوز ایللیک یوخو… / رقیه کبیری

اوتوز ایللیک یوخو…
رقیه کبیری

یالنیر کهف کؤهولونون یوخودا قالمیشلارینین قارا پوللاری دئییل،
قارا پول، هر زامان قارادیر
دؤوران ناخیشلارینی ده‌ییشدیریر آنجاق!
دؤوردن دوشموش قارا پوللاری چال کؤهولون داشلارینا
یئددی رنگ یئترلی‌دیر غوصّه‌لریمه
قویما یئددی یوز رنگه چالسین…

اینان!
اوچ یوز ایل دوزه‌مّه‌رم
اوتوز ایلدن سونرا آییل یوخلاریمین کهف کؤهولونده
قوناغیم اول
گل دیز- دیزه اوتوروب،
فروید- ون گؤزوندن ایراق
اوتوز ایللیک یوخولاریمیزی آنلاداق بیر بیریمیزه…

۹۵٫۸٫۱۰

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

One comment

  1. غلامرضا زنوزی

    سلام
    به امید وفقیت روز افزون شما
    غلامرضا زنوزی

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *