شعرلر / کریم قربانزاده

شعرلر / کریم قربانزاده

(۱)
دوروشوندان سئوگی یاغیر
یئریشیندن یاز
آ…ه سئودالیم
باس- باغرینا منی
و گیزلین باخیشینلا چیچکلندیر منی
کئفلندیر منی!

(۲)
یازدا یاغیش
قیش‌دا تونقال
قوربتده وطن
وطن‌ده سفر
ساواشدا باریش
و قارانلیقدا ایشیم- ایشیم ایشیلتی کیمی‌سئویرم سنی
من سکوتین ان درینلیگینده
ایکیجه سئوگی سؤزو کیمی‌سئویرم
سئویرم سنی .

(۳)
دنیز لرقورویار
قادینلارین گوز یاشلاری قوروماز
یارالی گونلرده
سئوداسیز وطنده .

(۴)
تبریزه یاغیش یاغیر من ایسلانیرام
تبریزه قاریاغیر من دونورام
آ…ه
گورسن‌هانسی حسرتدن آلوولانیرام!!

(۵)
باشقا‌هاوالارا آیاغیم گلمیر
یالنیز
سنین‌هاوانلا
اوره‌گیم گوپ -گوپ دؤیونمکده‌دیر.

(۶)
ایسلاق بولودلار دنیزه
جادار , جادار تورپاق یاغیشا
و من سنه باغلیام
سنه .

(۷)
گوروشوندن کئفلنیرم
زیر کئفلیلر کیمی
ائله بیل دونیانین ایچگی‌لرین ایچمیشم .

(۸)
سنی اود کیمی‌سئودیم
سئودامیزدان یاندیم
آلولاندیم
کوله دوندوم
کوله .

(۹)
گل
چیچک لری باغچالاردا
چیراقلاری تاقچالاردا
ایشقلاندیر
گونش اول ساریل منه
یاندیر
یاندیر
منی اودلاندیر .

(۱۰)
گونش داغلارین دالیندا
و دالغالار
ساحیلده ایتن کیمی
گوزلرینده ایتمک
و گوپ گوپ چیرپینان اورینده
بیتمک ایستیرم.

Check Also

شبسترلی‌لریم! / اکبر صالحی (قاداش)

شبسترلی‌لریم اکبر صالحی (قاداش) یئنه کؤنلوم داریخیر بوردا شبسترلی‌لریم! ایستیرم بیرده دؤنم یوردا شبسترلی‌لریم! باخمایین ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *