هله‌دیر کی…/ حسن ایلدیریم

هله‌دیر کی…
حسن ایلدیریم

سن
منه
هانسی گوزله باخدین کی،
بئله اووسونلاندیم؟
سن
منی
هانسی کؤزله یاخدین کی،
بئله توستوسوز یاندیم؟
یئللر اسدی
ایللر کئچدی
یانانلار سوندو،
اووسونلولار آییلدی؛
آنجاق
من
هله‌دیر کی اووسونلویام،
هله‌دیرکی
یانیرام!

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *