گؤزلرینده اویوت منی! / ائلدار موغانلی

گؤزلرینده اویوت منی!
ائلدار موغانلی

گؤزلرینده اویوت منی،
یوخولاریم چینه دؤنسون!
لاله‌لیگینه قات منی،
عؤمروم اؤز ترسینه دؤنسون!

بیر سیخیم ایشیغا دؤنوم،
سپیلیم لاله دوزونه.
میرواری مینجیغا دؤنوم،
دوشوم بنؤوشه ایزینه!

دامجی- دامجی اریییم هئی
آخیم دورولوغا ساری.
بیرم- بیرم آریییم هئی-
رؤیامدا‌‌کی ایلک باهاری.

قیزیل گول قوناغیم اولسون
یاشیللاشسین اؤلوم، دیریم.
باخیشین مایاغیم اولسون
دؤنوب من سنه چئوریلیم.

گؤزلرینده اویوت منی،
یوخولاریم چینه دؤنسون!
لاله‌لیگینه قات منی،
عؤمروم اؤز ترسینه دؤنسون!
شهریور ۱۳۹۵- تهران

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *