آجی خبر: «موغان اوغلو» ابدی‌لیک سوسدو…

آجی خبر: «موغان اوغلو» ابدی‌لیک سوسدو…

چوخ تاسفله موغانین سئویملی شاعری و اوچ جیلدلیک «آی ساوالان» منظومه‌سیله آذربایجان مقیاسیندا ادبی شهرت قازانان بختیار علیمرادی(موغان اوغلو) بوگون(۲۴ آذر) ۵۵ یاشیندا ابدی‌لیک اولاراق آرامیزدان کوچدو.
موغان اوغلو «شاعر اوره‌ییم» و «عؤمرومون آغاجیندان بیر یارپاق» عنوانلی اثرلریله داهادا آرتیق اوخوجو رغبتینی قازانمیش صنعتکارلاریمیزدان اولموشدور.
سئویملی شاعریمیزین بارلی بهرلی یارادیجیلیق حیاتی اونون وطنپرور، ائلینه، یوردونا باغلی و اؤز اثرلرینه آذربایجان صنعت بولاغی‌نین شیرینلیگینی هوپدوران بیر صنعتکار اولدوغونو همیشه اوخوجولارینین یادداشیندا دیری ساخلایاجاقدیر.
«ایشیق» – آذربایجان ادبیات و اینجه‌صنعت سایتی امکداشلاری بو آغیر ایتگینی سئویملی شاعریمیزین محترم عائله‌سینه، قوهوم- اقرباسینا و آذربایجان ادبی جمعیتینه باش ساغلیغی وئریر و شاعر دوستوموزون خاطیره‌سینی درین حزن و کدرله عزیزله‌ییر.

«ایشیق» – آذربایجان ادبیات و اینجه‌صنعت سایتی
۲۴ آذر ۱۳۹۵

Check Also

«قیرمیزیم» ایشیق اوزو گؤردو…

«قیرمیزیم» ایشیق اوزو گؤردو… «قیرمیزیم» آدلی حئکایه توپلوسو چاپ اولدو. بو کیتابا خییولو یازیچی غفور ...

One comment

  1. تانری روحلو اولسون … شاعیر اولنده بیر میللت اؤلرمیش … اوووووف

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *