اوچوش سانکی یادیرغانیب/ ع.ن. چاپار

chaparاوچوش سانکی یادیرغانیب
ع.ن. چاپار

بوم – بوز بوزارمیش،
بیر پرده سالینمیش گؤزوم اؤنوندن.
قاریاغیر،
گؤیدن هر نه وار یاغیر!
آغیر – آغیر
اله‌نیر گؤزومده منیم،
باخیرام
گؤزوم ایشله‌دیکجه
بوم – بوز پرده یه؛

ایچیمده‌کی سئرچه‌لریم
گؤزومده‌کی پرده‌لرده –
آسیناقلی قالمیش هله،
بیر قندیل کیمی!
باشلارینی
قینلاریندا سانجمیش اونلار
قرنفیل کیمی!
بیلنمیرم یاتیبلارمی‌–
یا دونوبلار؟!

اوچوش ،
سانکی یادیرغانیب .
سئرچه‌لریم ،
گؤزلریمده قونوبلار! . . .

۱۳۷۸/۱۱/۲۴

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *