خزان / ميرحسينقلي رياحي فر(سيّد)

riyahifarخزان
ميرحسينقلي رياحي فر(سيّد)

گونو باتدي يارپاقلارين
يئنه باغا باخدي خزان.
گؤزو دولدو ياشيل يازين
وار يوخونو ياخدي خزان.

گؤزل مئشه ياسا باتدی،
سالخيم سؤيود اؤرپك آتدی،
مورادا لوت يئرده چاتدي،
قورو چايدا آخدي خزان.

قارا قيشدان وئردي خبر،
شاختايا يول آچدي بَتر،
بورودو دام داشي كَدَر،
يوردا سونگو تاخدي خزان.

داغي دوزو توتدو دومان،
دوز دئمه‌دي ائله زامان،
ياخشي‌لاري ازدي يامان،
بيزي يامان سيخدي خزان.

دوشن يارپاق گلدي جانا،
سوردو اَسن يئل هر يانا،
«سيّد» قالدي يانا ـ يانا،
وار يوخونو ياخدي خزان.

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *