بنؤوشه / یوسف جوادی

javadiبنؤوشه
یوسف جوادی

خزان قوجاغیندا سولان بنؤوشه
اوره‌گی پاییزدان دولان بنؤوشه
تورپاغین آغریسین آلان بنؤوشه
یاغیش کدرینی سیله‌جک، دایان!

ساچلارین دولاشیب قارانلیقلارا
گونش تومارلارسا چیخار آشکارا
گؤرسه‌ده یایلیغین بورونوب قارا
خینالی باشیندان بیله‌جک، دایان!

یئللر قانادیندا اسن گونلرین
یاغیشی باغرینا باسان گونلرین
گونشی تئلیندن آسان گونلرین
یئنه‌ده او گونلر گله‌جک، دایان!

هله تئزدی بئله سولما بنؤوشه
گله‌جک سنین‌دیر اؤلمه بنؤوشه
گله‌نه بیر قونچا گولمه بنؤوشه
باهار دوداغیندا گوله‌جک، دایان!

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *