خاطیره‌لر / بهزاد بیات‌فرد(حسرت زنگانلی)

hasrat-zanganli
خاطیره‌لر
بهزاد بیات‌فرد(حسرت زنگانلی)

بو دؤنر_دؤنگه منى یوردو داها گئتمه‌لى‌یم
خوش قالین باغلی قالان قاپ_باجامیز، پنجره‌لر!
گؤز دولاندیقجا منی آیری بیر احواله سالیر
کندیمین داش- قایاسی زیروه‌سی یوخوش سره‌لر
لندی‌لر،قیچدا بالیش، یات بالا لاى- لاى حایاتیم
بیر امیک آرزیلاما لای‌لا دئین حنجره‌لر!
آنامین ال فتیرى، کؤرپه‌جه‌لیک دادلى چاغى
قاتیغى، آیرانى آ…خ جانلى تولوقدا کره‌لر
تامسینیر بوردا دیلیم یاى چاغى ییغدیق زومارى
نه قده‌ر تاملى ایدى کوپده ییغیلمیش شیره‌لر
یام یاشیل باغچالارى، یئل قووانى، سارى گولو
بیر آیاق یولدا، گؤزومده چابالیر منظره‌لر
گئدیرم آمما قالیر گؤیلوم او نوروز گولو ده
بیته‌جک یاز یاخینى گؤزله‌یــه‌جکدیر دره‌لر
اوزورم داى اوره‌گى یاددا قالار! چــن دره‌لر
خوش قالین باغلی قالان قاپ_باجامیز، پنجره‌لر!
۱_لندى=بئشیک

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *