من سنی سئومه‌دیم کی! / ع. یالچین

abdulla yalchin
من سنی سئومه‌دیم کی!
ع. یالچین

هارادان دوشدون کؤنلومه
من سنی سئومه‌دیم کی!
قوندون اغلیما، دیلیمه
من سنی سئومه‌دیم کی!

ساچیندا اله قیسقاندیم
کوله‌یه، یئله قیسقاندیم
یاخاندا گوله قیسقاندیم
من سنی سئومه‌دیم کی!

گؤزونده دالغالانیرام
اودوندا آلیشیب یانیرام
نییه دوشونوب آنیرام
من سنی سئومه‌دیم کی!

آری تک قونسام اوستونه
قورغو قورسام گر قصدینه
غورره‌لنمه ‌سن شسدینه
من سنی سئومه‌دیم کی!

قاش آتیب بئله گولمه‌سن
ملک سن، حوری سن، نه سن؟
مندن خبرسیز گلمه سن
من سنی سئومه دیم کی!
۳۰/۰۱/۹۵

Check Also

قاییتماز اولدو/ بهروز دولت‌آبادی(چای اوغلو)

قاییتماز اولدو بهروز دولت‌آبادی(چای اوغلو) چوخ صفالی، چالیشقان، آزادلیق وورغونو ده‌یرلی دوستوم «سیفی»یه اتحاف. نئجه ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *