دووارلار / ائلتاش صالیحی

eltashدووارلار
ائلتاش صالیحی

سئومک اوچون بیر شئی‌لر پای وئر منه
بیر سئوگی ماهنی‌سی
بیر رومان کیتابی
بیر آنا لای‌لاسی…

سئومک اوچون بیر شئی‌لر لازیم
بیریمیز سن‌سیز
بیریمیز دؤرد دووارلارین اوووجوندا
باشیما چیرپیر اؤزونو دووارلار
دلی دووارلار
دلی‌لرین دیلیندن باشین چیخیرمی‌قادینیم؟؟!!
ایعتیرافین سنینجی ایکرانیندا
گولومسه‌له‌ییرم،
آل دوداقلاریمی‌دیری ساخلاماق اوچون
گؤنده بیر آز گولوشوندن یئییرم
آل دوداقلاریمی
بارماقلاریمی‌دوشون لوطفن
بارماقلاریم
سینیرلاری تفسیر ائده‌ر؛
دایانار سوکوتون نم‌هانسی جوغرافیاسیندا
بیر آیلام چکر‌هاوادا
اورتاسیندا سن
بوتون ایشارت‌لرین مرکزی
آی…
دولون
سنی تمثیل ائدیر گئجه‌لریمه
هر گئجه بیرلیکده یاتیب
آیری آیری اویانیریق بیز
من سن‌سیز
سن دووارلارین اوووجوندا
یاسدیغیمدا سندن بیر توک تاپیلیب یئنه
یاری گونش
یاری گئجه
گونش می‌کؤچور باشیندان قادینیم؟؟!!
بو میصرعین آلتینی جیز قادینیم
آرخاندا یالنیز دووارلار وار
آرخایین اول
دووارلارین باش آغریسیندان باش آچیر پنجره‌لر

Check Also

پاییز دیلی / خیاو

پاییز دیلی خیاو پاییز گلمه‌دن توپلادیم نانا- رئیحان کردیمیزدن ۴۱ نومره‌لی خورمایی باشماقلاریما قویوب شهریمیزین ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *