شه‌هریزدن / بهزاد بیات‌فرد (حسرت زنگانلی)

hasrat zanganli
شه‌هریزدن
بهزاد بیات‌فرد (حسرت زنگانلی)

کوسدوم گئدیرم ایندى قاریشمیش شه‌هریزدن
شنلیکدن اوزاق، غمله باریشمیش شه‌هریزدن
تَر باسدى باخین آنلیما، سؤزلر چوخ آغیردیر
تؤهمتلى باخیش، کیندن آلیشمیش شه‌هریزدن
سئودا توکه‌نن یئرده اوره‌کلر داشا بنزه‌ر
داشلیق سئویلن عشقه آتیشمیش شه‌هریزدن
سؤیلردى آتام ائیرى اوتورساندا دانیش دوز!
داى ال چکیرم اه‌یرى دانیشمیش شه‌هریزدن
بوردا قوناغین حؤرمتی یوخ، اینجیمیشم من
یالتاقلارا بیهوده چالیشمیش شه‌هریزدن
کؤنلوزده عؤمورلر بویو «حسرت» قالاجاقدیر
کوسدوم، گئدیرم ایندى قاریشمیش شه‌هریزدن

Check Also

بیر اوووج شیفره‌دن عیبارتم/ افراسیاب نورالهی

بیر اوووج شیفره‌دن عیبارتم افراسیاب نورالهی بو منیم بانکا کارتیمین شیفره‌سی…… بو یاناجاق کارتیمین …… ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *