چئویرن: ایشیق
ترجمه: ایشیق
ایشیق

photo_2016-07-27_23-44-58

“آغلاما اورمیا !” تئاتری اورمو شهرینده صحنه‌لشدی

«راد» تئاتر گروهونون حاضیرلادیغی «آغلاما اورمیا!» نمایشی آذربایجان تورکجه‌سینده اورمو شهرینده صحنه‌لشدی.
موضوع اعتباریله فولکلوردان منشاله‌نن بو نمایش اورمو گؤلونون طالعی‌ایله باغلی یئنی بیر افسانه کیمی قلمه آلینمیشدیر. اثرین موللیفی «علی صابر رضایی»، دیرئکتوری‌ایسه «پدرام رحمانی»دیر.
پدرام رحمانی سایتیمیزین اورمو شهرینده‌کی امکداشی جناب «حسین واحدی»‌له دانیشیغیندا دئمیشدیر:
«”آغلاما اورمیا !” تئاتری مرداد آیی‌نین بئش‌یندن اون بئش‌ینه کیمی، آپادانادا، اورمیه‌نین فرهنگی-هنری مجتمع‌سینین وحدت تالاریندا اجرا اولوناجاق.» رحمانی جنابلاری همچنین آرتیرمیشدیر: «اورمو گؤلونون تراژد‌ی‌سی، هر بیر وطن‌سئور یوردداشیمیزین اوره‌یینی سیخیشدیریر و بو جور اثرلرین یارانماسینا سبب اولور.»
امکداشیمیز نمایشنامه‌نین موللیفی جناب علی‌صابر رضایی‌له‌ده دانیشمیشدیر. اودا دئمیشدیر:«هر بیر یازیچی و ژورنالیستین وظیفه‌سیدیر یوردوموزدا اولان حادثه‌لره عکس‌العمل گؤستریب، ائلینین آجیلیق‌لارلا شیرینلیک‌لرینه شریک اولا. من ده اؤزومه وظیفه بیلدیم اورمو گؤلونون قوروماسینی کی بیر بؤیوک فاجعه ساییلیر، آیری بیر زاویه‌دن خالقیمیزا خاطیرلادام.» جناب رضایی همچنین آرتیرمیشدیر:«اومید ائدیرم هامی ال‌-‌اله وئرسین و تانری‌نین کؤمه‌یی ایله آذربایجان‌ین بیاض دونلو گلینی همیشه‌لیک یاشاسین. بو تئاترین اویونچولاری و بوتون زحمت‌چکن‌لری خالقیمیزدان ایسته‌ییر کی، اؤز ایستی استقبال‌لاری‌نان اونلارا توتدوقلاری یولدا بؤیوک گوج اولوب، نئچه آیین زحمتی جانلاریندان چیخا.»
«آغلاما اورمیا!» نمایشی اورمو شهریندن سونرا تبریز و تهران شهرلرینده‌ده صحنه‌لشه‌جکدیر.

ارومیه: ۵ تا ۱۵ مرداد ۱۳۹۵
محل نمایش: تالار وحدت- مجتمع فرهنگی هنری ارومیه- چهارراه آپادانا / ساعت ۱۹ هر روز

تهران: ۸ شهریور(به مناسبت هفته فرهنگی آذربایجان غربی)
محل نمایش: برج میلاد

تبریز: ۵ تا ۱۰ آبان ۱۳۹۵ (به مناسبت هفته فرهنگی آذربایجان غربی)
محل نمایش: تالار اقبال آذر- خیابان ۲۹ بهمن

photo_2016-07-26_09-31-04

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

“آغلاما اورمیا !” تئاتری اورمو شهرینده صحنه‌لشدی

ایشیق
www.ishiq.net

آذربایجان ادبیات و اینجه‌صنعت سایتی

“آغلاما اورمیا !” تئاتری اورمو شهرینده صحنه‌لشدی

ایشیق
www.ishiq.net

آذربایجان ادبیات و اینجه‌صنعت سایتی

“آغلاما اورمیا !” تئاتری اورمو شهرینده صحنه‌لشدی

ایشیق
www.ishiq.net

آذربایجان ادبیات و اینجه‌صنعت سایتی