سون گؤروش/ ائلدار موغانلی

سون گؤروش
ائلدار موغانلی

بیر قیش گئجه‌سینده آیریلدیق؛
هاوا سویوق
خیالیمیز اویوق- اویوق
کورکونه بورونموشدو آی
قارا بولودلار آخیردی اوستوموزه آلای- آلای.
-“گؤروشه‌ریک”- دئیه
باخیشی‌نین شفقتینی،
اللری‌نین حرارتینی باغیشلادین منه.
من یوخسول بیر پیادا
نه‌ییم وار ایدی سنه باغیشلاماغا؟!
گومانیم
یومروغوم بویدا اوره‌یه گلدی.
دوشدوم یولا؛
یول آرزولارین بویونجا.
نئچه- نئچه منزیل اؤتدوم،
کئچید کئچدیم شاختادا، بوراندا؛
اللری‌نین حرارتیله قیزیندیم شاختادان دایاناندا؛
باخیشی‌نین شفقتیندن ایسیندیم بوراندان دوراندا.
هله‌ده گئدیرم بو یولو
سون منزیل اؤنومده؛
اللرین اللریمده‌دیر
باخیشین گؤزلریمده.

 تهران- ۱۳۷۲

Check Also

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه- دینله‌یین!)

«هاشیم ترلان»ین ایتگیسینین اوچونجو ایل دؤنومو(اؤزه‌ل سسلی صحیفه) آبان آیی‌نین ۲۵ ادبی جمعیتیمیزده میللی و ...

۳ comments

  1. سالام ائلدار بی اللرینی سیخیرام ساغ اولون…

  2. با سلام
    در آستانه دومین سالگرد درگذشت ” حمیدآرش آزاد” روزنامه نگار، مترجم، نویسنده و شاعر و طنزپرداز کشورمان تصمیم داریم تابا انتشار ویژه نامه ای یاد و نام آن عزیز از دست رفته را گرامی بداریم.

    لذا از همه دوستان،اساتید،شاعران ونویسندگان عزیزدرخواست داریم ،تابا ارسال آثار ارزشمند منظوم ، منثور وطرح های خود ما را در این راه یاری فرمایند.

    مهلت ارسال آثار دوستان تا آخر تیرماه ۱۳۹۱ می باشد.

    از الطاف بزرگوارانه ای که خواهید فرمود پیشاپیش سپاسگزاریم.

    برای ارسال آثارتان می توانید از طریق:

    تلفاکس :5243487-0411

    ایمیل:

    arashazad_si@yahoo.com

    وآدرس : تبریز- خیابان فارابی شمالی-نرسیده به پل منصور-نبش کوچه بنفشه- پلاک 118- دفتر نشریه پیام آذربایجان اقدام فرمایید.

    آرش آزاد 09143135764

    وبلاگ حمیدآرش آزاد:http://www.arashazad.blogfa.com

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *