او قیز منی گئییندی/ رامین جهانگیرزاده

۱۳۶۹۷۱۷۰_۶۳۴۶۹۶۲۳۶۶۸۷۲۱۲_۲۲۸۹۴۶۳۹۴۸۰۲۵۸۲۹۶۸۰_n
او قیز منی گئییندی
رامین جهانگیرزاده

من چیخارتدیم اؤزومو
او قیز منی گئییندی
دئدی نه یئکه‌لیبسن
ایچیمده هئی دئییندی

دئدیم یئکه اؤزونسن
ساچلارینا ال آتدیم
ووردوم بیر بیرینه من
ساچ ماچینی تئز قاتدیم

دایانمادی یئرینده
او دا توتدو توکومدن
بالاجا اللریله
یولدو قوپارتدی دن دن

بو قالماقال ایچینده
بیر قورباغا سسلندی
قورولدادی اوخودو
اوزرکن هوسلندی

او قیز منی چیخارتدی
بیردن قاییتدیم دالی
من ده بالاجا اولدوم
بوشلادیق قالماقالی

ایندی بیز دوست اولموشوق
اویناییب گولوشوروک
گاه گؤیلره اوچوروق
گاه دا گؤیدن دوشوروک
۱۳۹۵/۰۵/۰۱

Check Also

دئیین او بالاجا قیزا …! / سحر خیاوی

دئیین او بالاجا قیزا … ! سحر خیاوی دئیین او بالاجا قیزا: داریخیر رسیم دفترین. ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *