حیات/ ع. یالچین

حیات
ع. یالچین

آنام بیر ناغیل دئدی

اویودوم آلمالارین رویاسیندا.

هر بیر شئی گؤزل‌ایدی

قیزیل گول دونیاسیندا:

                        شنگولوم‌لر ذکالی،

                        منگولوم‌لر ذکالی،

                        قورد‌لار توک سالاردی،

                        جاناوار قیغیلدانیب،

                        تولکو شیلتاقلاناردی.

هر ناغیلین سونوندا

یئنه آلما دوشردی؛

من‌ایسه اویویاردیم

            آلمالار رویاسیندا؛

ایکی سئوگیلی کیمی-

            یوخولار  اؤپوشردی

                        ناغیل‌‌لار دونیاسیندا.

دوشوندوم ناغیل کیمی

ناغیلسیز حیاتیمی

دوشوندوم نوغول کیمی

نوغولسوز حیاتیمی…

Check Also

قاییتماز اولدو/ بهروز دولت‌آبادی(چای اوغلو)

قاییتماز اولدو بهروز دولت‌آبادی(چای اوغلو) چوخ صفالی، چالیشقان، آزادلیق وورغونو ده‌یرلی دوستوم «سیفی»یه اتحاف. نئجه ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *