ساوالانین گؤز یاشی/ مژگان صیامی

siyami
ساوالانین گؤز یاشی
مژگان صیامی

آلمالیـــقدا دا
«آذر» آیـــی‌نین آلا قارغالارینا دوشونــوردوم:
قاتار – قاتار
قاپ – قارا شـــه‌وه گــــؤزلری ایله
ساوالانیـــن آغ – آپباق ساچلارینا قونمـــوش؛
قوجا فایتونچـــی دئمیشکــن
سانکی نحــس بیر گله‌جه‌یی باغیـــریردیلار.

شــوبهه‌لی کــؤلگه‌لر…
پیچیلتــــی ایله دانیشانلار…
چیرپینیب چابالایانلار…
چاره‌سیــز قالیب سینیـــردان کئچنلر…
اوزلرینه اؤرتولـــن قاپی‌لار…
«خالق» کلمه‌سینی یامسیلاییب،
«آذربایجان» – دئیه، شاققیلتـــی ایله گولوب
آت اوسته آتـــش ائده‌ن ظالیملر…
ایگیــدسیز گلیــنلر…
امنیتسیز دام- دووارلاردا
چاپیجی‌لارین هـــرزه باخیـــشلارینا اوولانانلار…
قارشــــی قارشی‌یا
سیلاحسیز ساواش‌لار…

قان! قار ایچیــــنده سوزولوب
دهشت یاییلیب بوتون تورپاغیمیزا؛
آه، اولـــو ساوالان
ندنسه باغریـــن چاتلاماییب؟!
بلکه ده……!
آغلا! آغلا پارتلاماسین اوره‌ییـــن!
گــــؤز یاشینا قــــوربان اولوم شاه داغیـــــم!
ساوالانیــــم!

Check Also

پاییز دیلی / خیاو

پاییز دیلی خیاو پاییز گلمه‌دن توپلادیم نانا- رئیحان کردیمیزدن ۴۱ نومره‌لی خورمایی باشماقلاریما قویوب شهریمیزین ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *