اونودوروق هر زادی/ ع. ن. چاپار

chapar
اونودوروق هر زادی
ع. ن. چاپار

چتین اولور…
خاطیره‌نی اونوداراق،
گؤزلرینله باسیرماغی چتین اولور.
چتین اولور…
یاشاماغی یاشایارکن ،
سؤزلرینله باسیرماغی چتین اولور.
یاشاییشین‌هارایینی باسیریریق؛
علویتین،
دینج حیاتین،
یاشاماغین سارایینی باسیریریق.
اونودوروق…
یاواش – یاواش اونودوروق
آدیمیزی،
یادیمیزی،
هر زادیمیزی.
اونودوروق…
یاشاماقچین یاشاماغی اونودوروق؛
قورد وورموش پوچ آلما کیمی
بیر آغاجدان آیریلاراق
قول – بوداغی اونودوروق.
آغاجلارین‌هارایینی باسیریریق؛
زمی‌لرین،
کؤوشن‌لرین،
باغچالارین‌هارایینی باسیریریق.
قاچیریق اؤزوموزدن؛
یاواش – یاواش قاچیریق
آدیمیزدان،
یادیمیزدان،
هر زادیمیزدان!…

Check Also

دیل‌سیزلیین دیلی / ع.ن. چاپار

دیل‌سیزلیین دیلی ع.ن. چاپار منه دیل یوخ، دیل‌سیزلییی اؤیره‌دینیز! منه دئیین معناسینی – اوغرون – ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *